Instrucziun religiusa

Scuvierer la cardientscha – tschentar damondas – anflar orientaziun.

L’instrucziun religiusa vul accumpignar ils affons e giuvenils sin lur via dalla veta e dalla cardientscha. Ella dat spazi a lur grondas damondas: Danunder vegnin nus? Tgei dat senn a nossa veta? Tgi ei Diu? Tgei munta ei da viver en cuminonza?

Tras historias biblicas, discuors, simbols e diversas experientschas emprendan ils affons d’enconuscher il messadi da Jesus Cristus e las ragischs dalla cardientscha cristiana. Els vegnan encuraschai da sviluppar lur atgna opiniun, da cultivar valurs sco respect, solidaritad e responsabladad e da s’entupar cun aviartadad cun autras perschuasiuns religiusas.

L’instrucziun religiusa vegn organisada dalla pleiv tenor il plan d’instrucziun ecumenic e las lecziuns ein integradas egl urari da scola.

Era affons d’autras confessiuns e religiuns ein cordialmein envidai da separticipar, sche quei vegn giavischau.